Biireng21

Als Reaktioun op d’Präsentatioun vun der regionaler Verkéiersétude am Raum Diddeleng-Betebuerg (19.11.2015 am LNBD) ass eis Biergerinitiative nees aktiv ginn. Di nächst Reunioun, op déi all interesséierte Bierenger, an och Diddelenger Bierger invitéiert ass, fënnt den 25. Februar um 19.00 h am Clublokal vum FC Burange (läscht Haus op der lénker Säit an der Albert Schweitzer Strooss) statt. Um ODJ steet, wéi net anescht ze erwaarden di besoten Verkéiersetude. Mir si besonnesch mat der Ëmgestaltung vun der N31 tëscht dem neie  Mega Rond-Point « échangeur de Burange » an der Kräizung bei der Q8 net mat den Auteuren vun der Etude d’accord. Mär hunn Entrevue’en mam Diddelenger Schëfferot an dem MDDI Minister François Bausch ugefrot. Klickt op de link vun der homepage vun der Diddelenger Gemeng a kuckt Iech an dem Kontext d’Säiten 59 a 60 vun der Verkéiersetude un. Liest och de Kommentar ënnert dem Onglet « Verkéier » an de Bréif ënnert dem Onglet « Courrier ».

http://www.dudelange.lu/mobilite

De 17. Oktober 2014 hate Vertrieder vu biireng 21 eng Entrevue am Nohaltegkeetsministère, zesumme mam Minister François Bausch a Staatssekretär Camille Gira (wou d’Réunioun no 20’ verlooss huet), Vertrieder vu Ponts et Chaussées, Waasserwirtschaftsamt an CFL. Folgend Punkte goufe beschwat:

1. Kaméidi duerch zousätzleche Camionsverkéier

2. Mobilité douce: Foussgänger a Vëlo

3. Planning

4. Mega-Rond-Point a Verkéier

Hei fannt dir en detailléierte Rapport vun där Entrevue.

De Méco reagéiert mat dësem Bréif op t’Verbesserungsvorschléi vum Wasserwirtschaftsamt zu den Emgestaltungsarbechten un der Diddelenger Baach. Eng Kopie vun dem Schreiwes goung un t’Ministeren Bausch an Dieschbourg, souwéi un de Staatssekretär Gira. Bis elo ass vu kenger Säit eng Äntfert resp. Reaktioun erfollegt.

Mir hun den 18 Abrëll e Bréif un de Minister Bausch geschéckt, an deem mir op di net fondéiert Analyse vun de P&Ch zu de Propositounen vum Här Paul Guennou hiweisen. Bis elo ass de Minstère eis dorop eng Äntfert schëlleg bliwen.

Di genau Prise de Position vum Här Guennou fannt dir iwregens am Artikel hei ennendrënner.

Den Här Paul Guennou reagéiert op dëse Säiten op t’Analyse resp. op déi eiser Meenung no onfondéiert Kritiken, déi P&Ch zu sengen Propositiounen gemat hun. Liest seng Argumenter a mat eech selwer e Bild.

Hei setze mir eng Zesummestellung vun deene wichtegste Slides online, déi op der Infoversammlung vum 3. Abrëll gewise goufen.

Den 1. Deel enthält di allgemeng Presentatioun vum Projet, sou wéi en aktuell geplangt ass. Den 2. Deel weist Detailer zum Volet Diddelenger Baach an zur Voirie.

Am Annonceblad vum 23. 4. 2014 publizéieren déi Gréng Diddeleng eng Stellungnahm zum geplangten CFL-Multimodal, a lëschten eng Rei Punkten op, di och ville Birenger an Diddelenger Awunner grouss Suergen maachen.

D’RTL-Emissioun « Den Nol op de Kapp » zum Thema Mega-Rond-Point tëschent Diddeleng a Beetebuerg um Echangeur Dudelange/Burange. De Reportage enthält interessant Aussoe an Alternativvirschléi vu verschiddene Membere vu Biireng21 an Diddelenger Awunner. Donieft ass eng Stellungnahm vum Diddelenger Schäffen Dan Biancalana ze héieren.

(Start vun der Emissioun bei 1min50)

De Minister François Bausch, de Staatssekretär Camille Gira, CFL a P&Ch waren den 3. 4. am Lycée Nic Biever präsent, fir iwert de Projet Multimodal an iwert seng Konsequenzen op t’Verkéiers- a Kaméidissituatioun fir t’Awunner vun Diddeleng ze schwätzen a Froen ze beäntferten.

Hei Presseberichter dozou aus dem Tageblatt, dem Quotidien an dem Lëtzebuerger Wort.

Hei e Link zum Interview, deen de Jean-Jacques Muller vu Biireng21 dem Corinne Folscheid vun RTL gin huet. Hien huet eis Astellung zum Projet duergeluecht, an eis Bedenken, Fuerderungen a Proposen kloer an iwersichtlech resuméiert.